დღეიდან ბლანკოს უკვე აქვს ახალი, თანამედროვე სტანდარტების შესაბამისი საწარმო და საოფისე სივრცე, სადაც იქმნება პროდუქტი და იმართება ბრენდი,თუმცა ეს ყველაფერი მხოლოდ დასაწყისია.

ახალ სივრცეს ემატება ის, რაც აქამდე არ გვქონდა – შოურუმი, რომელსაც განსაკუთრებით დიდი მნიშვნელობა აქვს, როგორც ვიზიტორებისთვის, ასევე ჩვენი გუნდისთვის.

ახალი შოურუმი არ არის მხოლოდ პროდუქტისთვის განკუთვნილი ტერიტორია – ეს არის ადგილი, სადაც ვიზიტორებს საშუალება ექნებათ შეიგრძნონ ბრენდის ფილოსოფია, ნახონ როგორია ბლანკოს პროდუქტი რეალურ გარემოში და გაეცნონ იმ ესთეტიკას, რაც ჩვენ გვაძლევს უპირატესობებს. 
განსაკუთრებულ ინტერესს იმსახურებს ავტომობილების უნიკალური კოლექცია, რომელიც შოურუმში იქნება წარმოდგენილი. ის არამხოლოდ დამატებით ვიზუალურ შთაბეჭდილებას ქმნის, არამედ აჩვენებს ჩვენს მიდგომას დიზაინისა და დეტალებისადმი – როგორი ყურადღებით ვეკიდებით ხარისხსა და ფორმას, როგორც ჩვენს პროდუქტში, ასევე სივრცის განწყობაშიც.